3Jo | GbrGAW | STEP |

3 John

1 Wasika ye gmi Yohanna byeda aba nu kwoi lo Gayus emi za yeyeyi aba, n mi ye wo n gaiciya nyi.

2 Emi nugundo, mi zhin aduwa lo ge oho nayi n lafiya yi lo shi oho wye-wyeyi n ceilo nyi. 3 Eyi azado-hon ɓa zan-zan ɓai wan zokwo n ya ɓaku bugba bui-bui gami, shi ɓa gnami ge ho zan-zan lo bmiya n gaiciya yi, hoi sase lo shi nabari manayi da.

Vi Ɓo Nkwo Bmiya

4 Bugba buyi do to lo nkwo ɓa du deye ngye shi mi wo aɓeye pya n mi aɓi aban.

5 Omi nugundo ho zhin Shekwoyi tnu-tnu manayi lo, nha bma, a malami zhin n na a waʼazi zhinyi, n ɓa diya n ho aba nyi. 6 Ɓaku oho alheri ɓo gna eklisiya n ya, nho yeye atnu-tnu yi. A dami lo shi ho ɓei tnu n na a cauta yi n aza kun nɓa diya nyi. 7 Gama a zan Dagayi ezan nu to ɓai go, kwo nyagyin, ajekpe, agye wanba kwo agyiwye n na azaba n ɓa ta vi Yesun, kwo da yake ɓaku waʼazi zhin ɓa. 8 Ntucenu eyi n yi hin tukwo yi bma ɓa zhin n na bai yaku ze a Dagayi tnu-tnu kun-zhin yi n ɓai. 9 Mi tnu ikklisiya n wasika ɓiyi yei ntu ce nu, ama Diyoturifus, tu kwomwayi, n wo ye wa duwohin gyi n na abye, ngye a Yesu-viyi tukwoda nyi, wo ta gwo mi iko tulo n wo tukwon to woi ye wa womin. 10 Esa n ma ɓe n ɓa gnaho aɓo n wo zhin lo, n na aɓo a nukwoyi n wo dalo n mi tukwo, n ɓeda nukwoyi n wo da. Wo ta na awaʼazi zhinyi gwoɓo nu gmanyin, ama wo ta ye ge azaje ɓa gwon, n ɓa gwo wa kunɓa ya n na aduwa nyakun.

11 Omi nugundo, to gwo zokwo nukwoi yen, vi oɓo n kwo bmiya hapa ge, aza nɓa zhin ɓo mana, ɓa wunu ge ɓa zhin Shekwoyi aɓinu, aza n ɓa gyi abye n ɓenukwoyi zhinyi, ɓa wu nu ge ɓa mwakpalo n Shekwoyi. 12 Ozaho-zahoyi ɓedo n Gaiciya yi n kwohin tukwo ɓei zhin Dimitriyus seida, emi n mihin tukwo mi ɓa da ɓo gmanyi nu, hoi kpelo ge mi da gaiciya nu. 13 Mi n na ɓei lo n mi n cei pma ma gnaho, ama mita kafi n yan. 14 Gama mi na awyetu yilo mi ɓaɓe daho, yi ɓei daɓo n mwa n gnisun. 15 Ntucenu sai esahoi. Anugundo n ya ɓa tnu ho lo nɓa gnaɓiyi, ɓi aza vinya gna gami.